وفاقی دارالحکومت میں پہلی بار فیفا ورلڈ کپ فائنل کو پاکستان کی سب سے بڑی عوامی اسکرین پر براہِ راست دکھانے کا انتظام کیا گیا، جہاں ہزاروں فٹبال شائقین اسپین اور ارجنٹینا کے درمیان سنسنی خیز مقابلہ ایک ساتھ دیکھنے کے لیے جمع ہوئے۔ اس خصوصی انتظام کو سی ڈی اے، ایم سی آئی اور ضلعی انتظامیہ نے مشترکہ طور پر ممکن بنایا، جبکہ شائقین کی سہولت کے لیے خصوصی ٹریفک پلان، پارکنگ، فوڈ اسٹالز اور سیکیورٹی کے بھی جامع انتظامات کیے گئے۔
پاکستان اگرچہ ابھی تک فیفا ورلڈ کپ کے لیے کوالیفائی نہیں کر سکا، لیکن اس ٹورنامنٹ سے اس کا تعلق انتہائی منفرد ہے، کیونکہ ورلڈ کپ 2026 کی آفیشل گیند بھی سیالکوٹ میں تیار کی گئی، جس نے پاکستانی شائقین کے جوش و جذبے میں مزید اضافہ کر دیا۔
ڈی چوک میں موجود ہزاروں مداحوں نے ایک ساتھ اپنی پسندیدہ ٹیموں کی بھرپور حوصلہ افزائی کی، جبکہ سوشل میڈیا پر بھی اس تاریخی عوامی اسکریننگ کی تصاویر اور ویڈیوز تیزی سے وائرل ہو گئیں، جس نے اسلام آباد کی اس منفرد اسپورٹس نائٹ کو یادگار بنا دیا۔