پنجاب پولیس میں بڑے پیمانے پر تبادلے، 17 ڈی ایس پیز کے تقرر و تبادلوں کا نوٹیفکیشن جاری
لاہور: پنجاب پولیس میں بڑے پیمانے پر افسران کے تقرر و تبادلوں کا سلسلہ جاری ہے، آئی جی پنجاب ڈاکٹر عبدالکریم کی منظوری کے بعد 17 ڈی ایس پیز کے تبادلوں اور نئی تعیناتیوں کا نوٹیفکیشن جاری کر دیا گیا۔
جاری کردہ نوٹیفکیشن کے مطابق مختلف اضلاع اور برانچز میں خدمات انجام دینے والے 17 ڈی ایس پیز کو فوری طور پر نئی ذمہ داریاں سونپ دی گئی ہیں۔ تبادلوں کا مقصد پولیس کے انتظامی امور کو مزید مؤثر بنانا اور مختلف اضلاع میں افسران کی تعیناتی کو ازسرنو ترتیب دینا بتایا جا رہا ہے۔
نوٹیفکیشن کے تحت بعض افسران کو سپیشل برانچ، پنجاب ہائی وے پٹرول، آرگنائزڈ کرائم یونٹ، انویسٹی گیشن، ایس پی یو اور ضلعی پولیس کے مختلف شعبوں میں تعینات کیا گیا ہے، جبکہ متعدد افسران کو ایک ضلع سے دوسرے ضلع منتقل کیا گیا ہے۔
نوٹیفکیشن پر انسپکٹر جنرل پولیس پنجاب عبدالکریم کے دستخط موجود ہیں اور تمام تبادلے فوری طور پر نافذ العمل قرار دیے گئے ہیں۔