پاکستان ریلوے نے عوام کو بہتر سفری سہولیات فراہم کرنے کے لیے دو نئی مسافر ٹرینیں بابو ایکسپریس اور ساندل ایکسپریس چلانے کا اعلان کر دیا ہے۔
پاکستان ریلوے کے مطابق نئی ٹرینوں کا مقصد مختلف شہروں کے درمیان سفری سہولت میں اضافہ، مسافروں کا سفر مزید آسان بنانا اور ریلوے نیٹ ورک کو وسعت دینا ہے۔
اعلان کے مطابق بابو ایکسپریس کا افتتاحی سفر 20 اگست سے شروع ہوگا، جو لاہور سے لالہ موسیٰ کے درمیان چلے گی۔ اس ٹرین سے گوجرانوالہ ڈویژن کے ہزاروں مسافروں کو بہتر سفری سہولت میسر آئے گی۔
اسی طرح ساندل ایکسپریس کا آغاز 21 اگست سے کیا جائے گا، جو ملتان، جہانگ اور سرگودھا کے درمیان چلائی جائے گی۔ اس روٹ سے جنوبی اور وسطی پنجاب کے مسافروں کے لیے سفر مزید آسان ہونے کی توقع ہے۔
پاکستان ریلوے کا کہنا ہے کہ نئی ٹرینوں میں آرام دہ نشستیں، بہتر سفری ماحول اور بروقت آمد و روانگی کو یقینی بنانے کی کوشش کی جائے گی۔ حکام کے مطابق نئی سروسز کا مقصد سڑکوں پر ٹریفک کا دباؤ کم کرنا اور زیادہ سے زیادہ شہریوں کو محفوظ اور کم لاگت سفری سہولت فراہم کرنا ہے۔
ریلوے حکام نے امید ظاہر کی ہے کہ ان نئی ٹرینوں کے آغاز سے نہ صرف عوام کو سہولت ملے گی بلکہ ریلوے کی آمدنی میں بھی اضافہ ہوگا۔